వాస్తు లో కుల బీజాలు !!!

వాస్తు లో కుల బీజాలు !!!

హిందూ సమాజం లో లోతుగా వేల్లూరుకున్న కుల వృక్షం యొక్క బీజాలు మనకు వాస్తు శాస్త్రం లో చాలా స్పష్టంగా కనబడతాయి. గ్రామా /పట్టణ/ నగరాల లో ఏ వర్గం (కులం/వర్ణం) ఏ దిశలో ఉండాలో ఆనాటి వాస్తు గ్రంధాలల్లోచెప్ప బడింది.సమాజంలో ఆనాడున్న వృత్తులను బట్టి,జాతులను బట్టి వారి నివాసాలు ఎక్కడ ఉండాలో నిర్ణయం చేయబడింది. దీనివల్ల తరతరాలగా మన సమాజం వర్గాలుగా ,కులాలగా విభజింప బడినది.వృత్తుల మద్య అంతరం మనుష్యుల మధ్య విభజనాన్నిశాశ్వితం చేసాయి.
వాస్తు శాస్త్రం లో చెప్పబడిన కొన్ని విషయాలను పరిశీలించితే కుల సమాజం యొక్క బలమైన పునాదులు కనపడతాయి.
బ్రాహ్మణ, క్షత్రియ, వైశ్య, శూద్ర వర్ణాలు కు వారి నివాసాలు గ్రామ/పట్టణాలలో ఎలా వుండాలో,ఎక్కడ ఉండాలో చెప్పటమే కాకుండా అక్కడ నేలకు రంగు, రుచి,వాసన, ఎలా వుండాలోకుడా చెప్పబడినది.
౧. బ్రాహ్మణలు: ఉత్తర దిశలో ఇల్లు/ వాకిలి
౨. క్షత్రియ : తూర్పుదిశలో ఇల్లు/ వాకిలి
౩. వైశ్య : దక్షణ దిశలో ఇల్లు/ వాకిలి
౪. శూద్ర : పడమరదిశలో ఇల్లు/ వాకిలి
ఈ దిశలు ఊరి మధ్య బిందువు (బొడ్డురాయి) ని కేంద్రంగా చేసుకొని వుంటాయి.
ఇంకా కులాలను/వర్ణాలను బట్టి వారు నివసించ వలిసిన నేలకు ఉండవలిసిన లక్షణాలు క్రింది పట్టికలో వరుసగా బ్రాహ్మనాది క్రమంలో చూపబడ్డాయి.

నేలరంగు : ౧.తెలుపు,౨.ఎరుపు, ౩.పసుపు, ౪.నలుపు.

మట్టి రుచి: ౧.తీపి, ౨.కషాయం, ౩.వగరు/పులుపు, ౪.చెడు

నేలవాసన :౧.సువాసన, ౨.రక్తపు వాసన,౩.అన్నపు వాసన,౪.దుర్గంధం

నేల వాలు: ౧.ఉత్తరం, ౨.తూర్పు, ౩.దక్షిణం, ౪.పడమర.

ఇంటి పొడవు,వెడల్పు లు కుడా బ్రాహ్మణాది జాతి బేధాన్ని బట్టి ఉంటాయి.

వీరితో పాటు మిగిలిన ఇతర నిమ్నవర్ణాలు, సంకర కులాలు వారు ఎక్కడ నివాసం వుండాలో చెప్పబడినది.
గ్రామ, నగరాలలో ఆగ్నేయ, నైరుతి, వాయువ్య దిశలలో - చాకలి,మంగలి,జాలరి,మాదిగ, వర్ణ సంకరం చెందిన వారు నివాసం వుండాలి.
ఇంకా సంఘ బహిష్కరణ పొందిన వారు కూడా జనావాసాలలో "మూలల్లో" నివాసం వుండాలనిఆదేశించారు.అందుకేనేమో మూలల్లో నివసించే వారిని మూలవాసులు అన్నారు. వారినే నేడు " మాలలు " గా పిలుస్తున్నారు.
ఆనాటి ఈ పద్దతులు అన్ని తు.చ. తప్పకుండా అమలు జరిగేవన్నదానికి నిదర్శనగా ఆయా వర్గాలు వారికి కేటాయించిన ప్రదేశాలలో ఈ నాటికి నివశించుతూ ఉండటం గమనార్హం.
మాల,మాదిగవాడలు, చాకలి,కమ్మరి,కుమ్మరిపాలెంలు, బ్రాహ్మణ, కోమట్ల బజారులు దీనికి సజీవ సాక్షం గా నేటికి మనముందు ఉన్నాయి.

వాస్తులో కుల విభజనను బట్టి చేసిన నేలరంగు, రుచి, వాసన,వాలు చూసి ,వాటిని అనుసరించి ఈనాడు ఇల్లు /వాకిలి ఏర్పరుచు కోవటం సాద్యం కాని సంగతి. వాటిని పాటించాలనుకోవటం అజ్ఞానం.ఇలాంటి కాలం చెల్లిన విషయాలు ఎన్నో వాస్తు లో అంతర్లీనంగా దాగి ఉన్నాయన్నది వాస్తవం.
ఇలాంటి విషయాలను ఈనాడు మనం పాటించకపోయినా మనకు ఎలాంటి కష్టం,నష్టం వాటిల్లలటం లేదన్నది గమనార్హం.అలాగే వాస్తు లో ఇలాంటి విషయాలే తప్పు ,మిగిలిన విషయాలన్నీ ఒప్పు అనటం అజ్ఞానం.సరిగా అర్థం చేసుకునుటలోనే విజ్ఞత ఉంటుంది.తాతల నాటి బావికదా అని ఉప్పు నీళ్ళుత్రాగటం లేదుకదా,ఇది అంతే.

పూర్వం ఎప్పుడో దేశ,కాల పరిస్తుతులను బట్టి రూపొందించిన వాస్తు సూత్రాలు ఈనాడు అన్నిటికి పనికి వస్తాయనటం సరికాదు.ఈ కాల దోషం పట్టిన వాస్తును వదిలి విశ్వవ్యాప్తం గా ఆమోదించిన నవీన సాంకేతిక విజ్ఞాన్నిసాదరంగా స్వాగతించండి.