వాస్తువు శాస్త్రమా, కాదా అనే విషయం లోఈనాడు విభిన్న వాదనలున్నాయి. నిజానికి వాస్తు అంటే నివాసగృహం/ప్రదేశం అని శబ్దార్థం. శాస్త్రం అంటే శాసించేది లేదా రక్షించేది అని అర్ధం. వెరసి వాస్తు శాస్త్రం అంటే నివాసాలనిర్మాణాలలో విధి విధానాలను శాసించే మన ప్రాచీన నివాస నిర్మాణ శాస్త్రంగా చెప్పుకోవచ్చు .
నేడు శాస్త్రం అనే పదాన్ని సైన్సుకు పర్యాపదంగా వాడుతున్నారు. వాస్తువు శాస్త్రమా? అనే విషయంలో వాస్తు శాస్త్రం నేటి సైన్సు పరిధిలో ఎంత విలువ ఉంది ? సైన్సుకు వున్నా లక్షణాలు దీనికి వున్నాయా ? అనే విషయంలోనే వాదోపవాదాలు పరిశీలించాలి. అలాగే చర్చలో కేవలం ఫలిత వాస్తును మాత్రమే పరిగణలోకి తీసుకోరాదు.
నిజానికి వాస్తులో చెప్పబడిన ఫలితాలు శాస్త్రాన్ని తు చ తప్పకుండా ఆచరించటానికి,ఫలితాల పేరుతో ప్రజలను భయపెట్టి శాస్త్రాన్ని అమలు జేయటానికి చేప్పబడినవే. గుడ్డిగా ఫలితాలను మాత్రమే పరిగణలోకి తీసుకుంటే వాస్తు ముమ్మాటికి శాస్త్రం కాదు.
మనఫై వాస్తు ప్రభావం చూపుతుంది అనే వాదనలో వాస్తవం ఇసుమంతైనా లేదు . అదిగో పులి అంటే ... ఇదిగో తోక అనేవారు , దున్న ఈనింది అంటే ... దూడను కట్టేయమనేవారు ఎప్పుడు వుంటూనే వుంటారు. వీరిమాటలు విని భయాందోళనలు చెందనవసరం లేదు.
పాలకూరలో పాలు, నేతిబీరకాయలో నెయ్యి వుంది అనే మాటల్లో వాస్తవం ఎంతో, వాస్తు లో వాస్తవం కూడా అంతే! కష్ట పడకుండా కాలైనా వంగదనట్లు - కష్టపడకుండా కేవలం వాస్తు తో విజయాలు సాధించటం దుర్లభం. వాస్తు బలం కంటే ఆత్మ బలం పెంచు కుంటే విజయం మన చేరువఅవుతుంది. తాత ముత్తాతల నుండి వారసత్వంగా సంక్రమిస్తున్న చాందస భావాలను విడిచి విశ్వవ్యాప్తంగా పురోగమిస్తున్న సాంకేతిక విజ్ఞాన్ని సాదరంగా స్వాగతం పలుకుదాం .
Comments
Dear Mr Srinivas
AAsheervachanams. As a rationalist you may not like my aasheervachanams. But as an oldman I just cannot change my habbits. So bear with me.
YES PLEASE CARRY ON YOUR CRUSADE AGAINST SUPERSTITIONS SUCH AS VAASTU ETC.
I have recently joined this blog group. When I am getting frustated with the way most of the people are blindly following unscientific rituals etc. your blog has given me great relief. I hope I will see more of your views regularly.
With regards
Maa Ven Rangasai
Is there a way to write these comments in TELUGU ?